काठमाडौँ । केन्द्रीय अनुसन्धान व्यूरो (सीआईबी)ले बैंकिङ कसुर मुद्दामा दोषी ठहर भएपछि फरार कुमार खड्कालाई पक्राउ गरेको छ । 

तारकेश्वर नगरपालिका वडा नम्बर ९ बस्ने खड्कालाई सीआईबीले राजधानीको सुकेधाराबाट पक्राउ गरेको हो । खड्काले प्रमोद जैसवालसँग लिएको पैसा तिर्नको लागि दिएको २३ लाखको चेक खातामा पैसा नभएको कारण बाउन्स भएको थियो । खड्काले जैसवाललाई ०७४ कात्तिक ११ मा नेपाल एसबीआई बैंकको चेक दिएका थिए । 

त्यसपछि जैसवालले खड्काविरुद्ध अदालत पाटनमा मुद्दा दायर गरेका थिए । मुद्दापछि खड्कालाई अदालतले ०७६ वैशाख १६ गते एक महिना कैद र २३ लाख जरिवाना ठहर गरेको थियो ।

पक्राउ परेपछि खड्कालाई फैसला कार्यान्वयनको लागि काठमाडौं जिल्ला अदालतमा पेश गरी अदालतको आदेशपछि कैद भुक्तानको लागि कारागार  पठाईएको छ। 

क्याटेगोरी : विशेष
ट्याग : #चेक बाउन्स

---

---

---