काठमाडौंमा दिनदहाडै गोली हानी यसरी व्यापारी मारियो , हेर्नुस् सीसीटीभी फुटेज
काठमाडौं, ३ असोज । देशको राजधानीमै सोमबार साँझ व्यापारीको गोली हानी हत्या भएको छ ।
सर्लाहीको हरिवन घर भएर काठमाडौंको कागेश्वरी मनोहरा नगरपालिका-८ गोठाटारमा एभेन्जर इन्टरप्राइजेज गार्मेन्ट सञ्चालन गर्दै आएका ५५ वर्षीय लाल मोहम्मद भन्ने मोहमम्द दर्जीको गोली हानी हत्या भएको हो ।
मोहम्मद जोरपाटीबाट कपडा प्याक गर्ने प्लास्टिक लिएर कारमा गोठाटार फर्किएका थिए । कारबाट झर्नेवित्तिकै उनीमाथि गोली प्रहार भयो । प्रत्यक्षदर्शीका अनुसार मोटरसाइकलमा आएकाहरुले उनीमाथि गोली चलाएका थिए ।
गोली चल्न थालेपछि मोहम्मद गोली छल्नलाई कारको वरिपरि भाग्दै घुमिरहे तर हतियारधारीले गोली हान्न रोकेनन् । घटनास्थलको सीसीटीभी फुटेजमा रातो रंगको सर्ट लगाएर पल्सर मोटरसाइकलमा आएका व्यक्तिहरुले गोली हानेर भागेको देखिएको छ ।
गोली चलेको सुनेपछि घरभित्र रहेकी मोहम्मदकी छोरी एक तलामाथिबाट हामफालेर गोली हान्नेलाई लखेट्दै गएको सीसीटीभीमा देखिएको छ । गोली लागेर मोहम्मद गम्भीर भएपछि गोली हान्ने समूह पेस्तोल त्यहीं फालेर मोटसाइकलमा भागेको प्रत्यक्षदर्शीको भनाइ छ ।
मोटरसाइकलमा आउँदा दुई जना आएको र भाग्ने क्रममा तीन जना थिए । घटनास्थलबाट पेस्तोल बरामद भएको छ । घटनास्थलमा काठमाडौं प्रहरी परिसर र उपत्यका अपराध अनुसन्धान कार्यालयको टोलीले अनुसन्धान गरिरहेको छ ।
मोहम्मदको त्रिवि शिक्षण अस्पतालमा उपचाररतको क्रममा मृत्यु भएको हो । उनी १० बर्ष जेल बसेर तीन बर्ष पहिला मात्र छुटेका थिए । गोलीकाण्डको पुरानो घटनासँगै कनेक्शन रहेको आशंका गरिएको छ ।
हेर्नुस् सीसीटीभी फुटेज
क्याटेगोरी : विशेष
ट्याग : #गोली हानी यसरी व्यापारी मारियो
धेरै पढिएका
- १काठमाडौं क्षेत्र नं ७ का नेकपाका केन्द्रीय सदस्य ज्ञानेन्द्र मोहन श्रेष्ठसहित दर्जनौं युवा एमाले प्रवेश
- २टोखा–छहरे सुरुङमार्गले धेरै बस्ती मापदण्डका कारण समस्यामा पर्ने भएकाले विकल्प खोज्न मन्त्री खनालको प्रस्ताव
- ३काठमाडौं–७ : प्रकाश श्रेष्ठको सम्भावना मजबुत बन्दै गएको राजनीतिक विश्लेषकहरूको बुझाइ
- ४एमालेको घोषणापत्रमा के छ ? (पूर्णपाठ)
- ५सिंहदरबारका प्रहरी प्रमुख जनार्दन घिमिरे सहित उत्कृष्ठ कार्य गर्ने ३ जना प्रहरी अधिकृत पुरस्कृत
- ६तारकेश्वरमा युवाहरुले भ्रष्टाचार र बेथितिविरुद्ध आवाज उठाँउदा नगरपालिकाको धम्कीपूर्ण विज्ञप्ति
- ७तारकेश्वर साङ्गला पटापुमा ईभी गाडीभित्र महिलाको शव फेला, प्रहरीले सुरु गर्यो सबै कोणबाट अनुसन्धान
- ८काठमाडौं क्षेत्र नं. ६ मा लोकप्रिय युवा उम्मेदवारहरूबीच कडा प्रतिस्पर्धा






तपाईको कमेन्ट लेख्नुहोस्