काभ्रेको मण्डन देउपुरमा बृहत् निःशुल्क स्वास्थ्य शिविर

साझापाना २०८१ असोज १९ गते २०:४२ मा प्रकाशित

प्रदीप ढकाल , काभ्रे
असोज १९, शनिवार।

काभ्रेको मण्डन देउपुरमा नेपाल प्रहरी अस्पतालले मण्डन देउपुर न. पा. वडा नं १ को समन्वयमा १९ असोजमा १ दिने बृहत् निःशुल्क स्वास्थ्य शिविर सञ्चालन गरेको छ ।काभ्रेको मण्डन देउपुर बालुवापाटीमा अवस्थित वालुवा मा.वि. को परिसरमा बृहत् स्वास्थ्य शिविर सञ्चालन भएको हो ।

स्वास्थ्य शिविरमा मण्डन देउपुर न.पा. वडा नं १,२,३,४,५ लगायत आसपासबाट आएका करिब ६२४ जना बिरामीहरूले स्वास्थ्य जाँच गराएका छन् । स्वास्थ्य शिविरमा करिब १०६१ सेवा तथा जाँच गरिएको थियो।

स्वास्थ्य शिविरमा सामान्य चिकित्सक, महिला रोग, हाडजोर्नी तथा नसारोग, बाल रोग, नाक कान घाँटी, रगत परीक्षण, अल्ट्रासाउन्ड परीक्षण, दाँत तथा गिजा रोग, ईसीजी लगायत रोगहरूको निःशुल्क जाँच तथा निःशुल्क औषधि वितरण समेत गरिएको मण्डन देउपुर–१ का वडा अध्यक्ष शिव प्रसाद ढकालले बताए।