देउसी खेलेर फर्केका कलाकार बोकेको बस दुर्घटना, ३२ जना घाइते, ५ जना गम्भीर

साझापाना २०७८ कात्तिक १९ गते १४:५७ मा प्रकाशित

कात्तिक । मकवानपुरमा देउसी खेल्न गएको कलाकार बोकेको बस दुर्घटना हुँदा ३२ जना घाइत भएका छन् ।

मकवानपुरको बकैया ३ हात्तिसुडेबाट देउसी खेलेर फर्किने क्रममा बागमती प्रदेश ०३ ०००१ ख १३०९ नं को बस पल्टिँदा ३२ जना घाइते भएका जिल्ला प्रहरी कार्यालय मकवानपुरले जनाएको छ ।

गए राति करिब सवा १ बजे बकैया गाउँपालिका वडा नम्बर–४ अजिङ्गरेमा देउसी खेलेर हेटौंडातर्फ फर्किने क्रममा राष्ट्रिय लोकदोहोरी प्रतिष्ठान मकवानपुरको ३२ जना कलकारहरु चढेको बस अनियन्त्रित भइ सडक छेउको खेतमा पल्टिदा दुर्घटना भएको प्रहरीले जनाएको छ ।

घाइते मध्ये ५ जनाको अवस्था गम्भिर रहेको प्रहरीले जनाएको छ ।

घाइतेहरुको हेटौंडा र चितवनका अस्पतालमा उपचार भइरहेको छ ।

क्याटेगोरी : समाचार
ट्याग : #बस दुर्घटना