काठमाडौं। नेपाली कांग्रेसको विशेष महाधिवेशनका लागि उम्मेदवारी दर्ता प्रक्रिया तीव्र बनेको छ। प्रतिनिधिहरूले धमाधम उम्मेदवारीका लागि फाराम लिन थालेका छन्। संस्थापन पक्षसँगको छलफल सकारात्मक निष्कर्षमा नपुगेपछि विशेष महाधिवेशनको निर्वाचन प्रक्रिया औपचारिक रूपमा अघि बढाइएको हो।

निर्वाचन समितिका अनुसार उम्मेदवारी दर्ताका लागि समय थप गरिएको छ। अब प्रतिनिधिहरूले साँझ ७ः३० बजेसम्म उम्मेदवारी दर्ता गर्न सक्नेछन्।

हालसम्म सभापति पदका लागि उम्मेदवारी दिन तीन जनाले फाराम लगेका छन्। यद्यपि, फाराम बुझाएपछि मात्रै औपचारिक रूपमा उम्मेदवारहरूको नाम सार्वजनिक हुने निर्वाचन समितिले जनाएको छ।

संस्थापन पक्षसँग सहमतिको प्रयास जारी राख्दै विशेष महाधिवेशन पक्षधरहरूले समानान्तर रूपमा निर्वाचन प्रक्रिया पनि अघि बढाएका हुन्। विशेष महाधिवेशन पक्षधर समूहले महामन्त्री गगन थापालाई सभापति चयन गर्नुपर्ने दबाब बढाइरहेको छ।

क्याटेगोरी : राजनीति
ट्याग : #breaking, #नेपाली कांग्रेसको विशेष महाधिवेशन

---

---

---