काठमाडौं । नेकपा एमालेले राजधानी प्रदेश कमिटीको अध्यक्षमा नारायण सिलवाललाई जिम्मेवारी दिएको छ। आज बसेको पार्टी सचिवालय बैठकले संशोधित विधानअनुसार रिक्त रहेका विभिन्न पदमा नेतृत्व चयन गरेको हो।

बैठकले बागमती प्रदेश, राजधानी प्रदेश तथा सम्पर्क विशेष संगठन कमिटीमा जिम्मेवारी बाँडफाँड गरेको छ। यसअघि रहेको विशेष प्रदेश कमिटीलाई पुनर्संरचना गरी राजधानी प्रदेश कमिटी बनाइएको हो। राजधानी प्रदेश अन्तर्गत तीन भौगोलिक जिल्ला तथा युवा ९विद्यार्थी, उद्योग, मजदुर र पेशागत० विशेष जिल्ला कमिटी रहने व्यवस्था गरिएको छ।

बागमती प्रदेश कमिटीको सचिवमा बालकृष्ण देउजा र उपसचिवमा रमेश आचार्यलाई नियुक्त गरिएको छ। त्यसैगरी राजधानी प्रदेश कमिटीको उपाध्यक्षमा प्रेमबहादुर महर्जन, सचिवमा मिलन धरेल तथा उपसचिवमा शशिन्जङ थापा र बेलीमाया घले चयन भएका छन्।

त्यसैगरी सम्पर्क विशेष संगठन कमिटीको अध्यक्षमा अशोक ठकुरी र सचिवमा कपिल ओलीलाई जिम्मेवारी दिइएको छ।

क्याटेगोरी : समाचार
ट्याग : #नारायण सिलवाल

---

---

---