तनावग्रस्त लौकही बजार : सशस्त्र प्रहरीको व्यारेकमा ढुङ्गा मुढा, प्रहरीको विटमा समेत आगजनी

साझा पाना २०८२ पुस १७ गते १४:०० मा प्रकाशित

विराटनगर । सुनसरीको लौकही बजार थप तनावग्रस्त बनेको छ ।

सशस्त्र प्रहरीले चलाएको गोली लागेर सफारी चालक विजय साहको मृत्यु भएपछि तनावग्रस्त बनेको लौकही थप तनावग्रस्त बनेको हो । स्थानीयले सशस्त्र प्रहरीको ब्यारेकमै ढुंगामुढा गरेका छन् भने प्रहरी बिटमा आगजनी गरेका छन् ।

यस्तै मृतक साहको शव सडकमा राखेर स्थानीयले प्रदर्शन गरिरहेका छन् । जसले गर्दा पूर्व पश्चिम सडक पूर्णरूपमा ठप्प भएको छ । खण्ड हुँदै चल्ने सवारीका साधन चल्न सकेका छैनन् ।

स्थितिलाई नियन्त्रण लिन प्रहरीले केही राउण्ड अश्रुग्याँस प्रहार गरेको छ ।

क्याटेगोरी : समाचार
ट्याग : #breaking, #तनावग्रस्त लौकही बजार