नेपाल र भारत सिमाना दशगजामा पाँच मिटर पर्खाल लगाउनुपर्दछ ः नेता गौतम

साझापाना २०७७ असार १४ गते १२:५० मा प्रकाशित

काठमाडौ । नेकपाका उपाध्यक्ष वामदेव गौतमले नेपाल भारत सिमानामा दुवै राष्ट्रको हितका निम्ति दशगजाको दुवैतर्फ ५ मिटर अग्ला पर्खाल लगाउनु पर्ने बताएका छन ।

हिजो पार्टीको स्थायी कमिटी बैठकमा उनले अव ढिला नगरि नेपाल भारत विच रहेको खुल्ला सीमाना वन्द गरी प्रवेषाज्ञा प्रणाली लागु गर्नुपर्ने समेत बताए । उनले प्रवेशाज्ञा भने निःशुल्क उपलव्ध हुनुपर्ने उनको भनाई रहेको थियो ।

नेता गौतमले सिंगो राष्ट्रलाई एकतावद्धगरि अतिक्रमित भूमिसहितको नेपालको नयां नक्सा जारी गरेर यो संघर्षमा ९९ प्रतिशत विजय हासिल भएको उल्लेख गर्दे भारतीय सेनाा नेपालीभूमिवाट हट्दासाथ हामीले सय प्रतिशत विजय हासिल गर्ने बताए ।

महाकालीनदीको एकिकृत विकास संवन्धि सन्धि राष्ट्रघाती छ भनेर संयोजकों ह्वीप उल्लंघन गरेको आरोपमा आफू सहितका १६ जना एमालेका शिर्षस्थ नेताहरुलाई पार्टीवाट अन्यायपूर्वक निष्कासन गरिएको भन्दै पार्टी विरोधी भनेर आफूलाई लगाइएको आरोप सहित पार्टीवाट निश्कासन गर्ने त्यसवेलाको एमालेले गरेको निर्णय गलत थियो भनेर अहिले निर्णय गर्न समेत माग गरे .

नेता गौतमले दुवै छिमेकी राष्ट्र संग रहेका नेपालका कुनै पनि समस्या समाधान गर्न युद्धको कल्पना पनि गर्न नसकिने भन्दै सवै समस्या शान्तिवार्तावाट नै समाधान गर्नु पर्नेमा जोड दिए ।

उनले पार्टीको निर्णय र सर्वदलीय सहमतिमा भारतद्वारा अतिक्रमित नेपाली भूमी कालापानी लिपुलेक र लिम्पिया धुरा समेत समेटिएको नेपालको नयां नक्सा जारी गरी संघीय संसदका दुवै सदनवाट सर्वसम्मतिमा पारित गरेर सार्वजनिक गरेकोमां सरकार , सवै राजनितिक दल, दुवै सदन,र सम्पूर्ण नेपाली जनतामा हार्दिक बधाई समेत दिएका थिए ।

क्याटेगोरी : राजनीति, विशेष
ट्याग : #वामदेव गौतम