समाचार

सरकारको नजर नपरेपछि टोखा–छहरे सडक मर्मतका लागि कांग्रेसको श्रमदान अभियान शुरु

झोर काठमाडौ । छहरे–टोखा मार्ग बिग्रँदा नुवाकोट हुँदै काठमाडौं जोड्ने छोटो दूरीको आवागमन कठीन बनेको छ ।

प्रशासन तथा ठेकेदार कम्पनीको चरम लापरबाहीका कारण यात्रीले सास्ती खेप्नुपरेको छ । हिलोमा गडेको गाडीलाई निकाल्न र ठेल्नु सडक यात्रुहरुको दैनिकी जस्तै बनेको छ । पटक पटक सरोकारवालाहरुलाई ध्यानाकर्षण गराएपनि सडक मर्मत कार्य सुचारु हुन नसकेको भन्दै नेपाली कांग्रेस नुवाकोटले सडकखण्ड मर्मतका लागि बृहत श्रमदान अभियानको शुभारम्भ गरेको छ ।

काङ्ग्रेसका नेता प्रकाशशरण महत, बहादुरसिंह लामा र धुर्व अधिकारीको सहभागितमा थालनि अभियानमा टोखा नगरपालिकाका विभिन्न वडाको सहकार्य तथा जनताको श्रमदानबाट सडक निर्माण गरिएको सांसद बहादुरसिंह लामाले वताए ।

नेपाली कांग्रेसका नेता , कार्यकर्ता, आमसर्वसाधारण हातमा बेल्चा , कोदालो बोकेर सडकमा ओर्लिएको शनिवारबाट सडक मर्मत अभियानमा जुटेका छन ।

Facebook Comments
Tags

Related Articles