खांदबारी रनको उपाधी आर्मीलाई (तस्बिरहरु)

सुजन बज्राचार्य साझापाना २०८० असोज २९ गते १०:४९ मा प्रकाशित

खांदबारी। संखुवासभाको स्थानिय क्लब खाँदबारी युथ क्लबले पर्यटन प्रवर्धनका लागि आयोजना गरेको खाँदबारी रन खुल्ला दौडको उपाधी आर्मीका सूर्य बहादुर रोकायाले जितेका छन् ।

१ सय ४९ जना धावकलाई हराउँदै रोकाया पहिलो भएका हुन् । सदरमुकाम खाँदबारीमा आईतबार भएको प्रतियोगितामा आर्मीका नवीन खड्का उपविजेता बने ।

आर्मीकै सुजन विश्वकर्मा तेश्रो भए । त्यस्तै खुल्ला तर्फ प्रसान राई पहिलो, मेघराज राई दोश्रो र स्काई फियाक तेश्रो भए । खुल्ला महिला तर्फ सुनकला राई पहिलो, निला जिमी दोश्रो र निलम विष्ट तेश्रो भएको क्लवका महासचिव सुरेन शाक्यले बताउनुभयो ।

प्रतियोगितामा बिभागीय पुरुष, खुल्ला पुरुष टिम र खुल्ला महिला टिम गरि २ सय ९५ जना सहभागी भएका थिए । बिभागीयमा सहभागीले १० किलोमिटर दुरी पार गरेका थिए । पुरुष र महिला खुल्लाका धावकले ६ किलोमिटर दुरी पार गरेका थिए ।