राष्ट्रिय युवा संघ नेपाल, कर्णाली प्रदेश कमिटीको दोस्रो पूर्ण बैठक सम्पन्न

साझापाना २०८० साउन ८ गते १६:१३ मा प्रकाशित

साउन ८, काठमाडौं । राष्ट्रिय युवा संघ नेपाल, कर्णाली प्रदेश कमिटीको दोस्रो पूर्ण बैठक नेकपा (एमाले) जिल्ला कार्यालय सुर्खेतमा सम्पन्न भएको छ ।

“Mission Next Election, Target New Generation” नारा सहित सुरु भएको अभियान अन्तर्गत आयोजित बैठकले महत्वपूर्ण निर्णयहरू गर्दै मातहत कमिटीहरुलाई सशक्त बन्न निर्देशन गरेको छ । कर्णाली प्रदेशको कमिटीगत संरचना र गतिविधिहरूलाई थप सृजनात्मक र प्रभावकारी बनाउँदै गतिशील कमिटीहरुलाई सुदृढ बनाउने निर्णय गरको छ ।

बैठकले कर्णालीका सबै स्थानिय तहमा संगठन विस्तार गरि ५० हजार सदस्यता वितरण गर्ने निरेणय गरेको छ ।

बैठकमा प्रमुख अतिथि नेकपा एमाले स्थायी कमिटी सदस्य यामलाल कडेल, गुलावजंग शाह, लक्ष्मी पोखरेल, राष्ट्रिय युवा संघ नेपालका केन्द्रीय उपाध्यक्ष प्रकाश गौतम, महासचिव सुमन पुरी लगायतले भनाई राख्नु भएको थियो ।