कहिले हट्ला तुवाँलो – तुम्लिङटार बिमानस्थल (फोटोफिचर)

संखुवासभामा दस दिन देखि हवाई सेवा बन्द

Photo Station Khandbari Sujan Bajracharya २०८० वैशाख ६ गते २१:११ मा प्रकाशित

संखुवासभा, खांदबारी, ६ बैशाख – पूर्वी पहाडी जिल्ला संखुवासभाको तुम्लिङटार विमानस्थललाई बाक्लो तुवाँलोले ढाकेपछि दश दिन देखि उडान अवरुद्ध भएको छ । गएको चैत्र २७ गते देखि बुद्ध एयरलायन्सले उडान भर्न नसकेको हो । उडान भर्न नसके पछि यात्रुहरु अलपत्र पर्ने गरेका छन् । उडानका लागि भिजिबिलिटी कम भएपछि दैनिक उडानहरु अवरद्ध हुँदै आएको तुम्लिङटार विमानस्थलले जनाएको छ ।

उडान नभएपछि जहाजबाट काठ्माण्डौ जाने यात्रुहरु अलपत्र परेका छन् । जहाजबाट उडान भर्न लागेका कोही यात्रु सडक मार्गबाट गन्तव्यमा पुग्ने गरेका छन् भने कोही विमानस्थल खुल्ने दिन पर्खेर बसेका छन् । सडक मार्ग असुरक्षित हुने भन्दै हवाई उडानको लागि हप्तौ अघि टिकट बुकिङ् गरेर बसेका यात्रुहरुले अहिले बसको यात्रा गर्नु परेको छ । हवाई सुबिधा नभएपछि बढि जसो बिरामीहरु त्यसको मारमा परेका छन् ।