निर्वाचनका लागि नेपाल तरुण दलले खटायो केन्द्रीय प्रतिनिधि

साझापाना २०७९ कात्तिक १ गते ११:१९ मा प्रकाशित

काठमाडौँ । नेपाली कांग्रेसको भ्रातृ संस्था नेपाल तरुण दलले आगामी मङ्सिर ४ गते हुने प्रतिनिधि र प्रदेशसभा सदस्य निर्वाचनको तयारीका लागि सबै निर्वाचन क्षेत्रमा केन्द्रीय प्रतिनिधि खटाएको छ ।

तरुण दलले कांग्रेसलगायत गठबन्धन दलका उम्मेदवारलाई विजयी गराउनका लागि सबै सङ्घीय निर्वाचन क्षेत्रमा तरुणहरूलाई परिचालन गर्न तथा क्रियाशील बनाउने निर्णयानुसार केन्द्रीय प्रतिनिधि खटाएको अध्यक्ष विद्वान गुरुङले जानकारी दिनुभयो ।

साथै सम्पूर्ण केन्द्रीय प्रतिनिधिहरूलाई आफूलाई खटाइएको निर्वाचन क्षेत्रमा तत्काल गई तोकिएको कार्य सुरु गर्न र निर्वाचन सम्पन्नपछि कार्यविवरण प्रतिवेदन केन्द्रीय कार्यालयमा बुझाउन निर्देशन गरिएको छ ।

क्याटेगोरी : समाचार
ट्याग : #तरुण दल, #निर्वाचनका लागि नेपाल तरुण दलले खटायो केन्द्रीय प्रतिनिधि, #नेपाली कांग्रेस, #नेपाली कांग्रेसको भ्रातृ संस्था नेपाल तरुण दल