काठमाडौं । गृह मन्त्रालयले नेपाल प्रहरीको प्रहरी वरिष्ठ उपरीक्षक (एसएसपी) को काज सरुवा सरुवा गरेको छ ।

मन्त्रीस्तरीय निर्णयबाट भएको सरुवाअनुसार काठमाडौं प्रहरी प्रमुखमा एसएसपी भरत बोहोरा र काठमाडौं उपत्यका अपराध अनुसन्धान कार्यालयको प्रमुखमा जनक भट्टराईको काज सरुवा भएको प्रहरी प्रधान कार्यालयले जानकारी दिएको छ ।

यस्तै विकासराज खनाललाई लागुऔषध नियन्त्रण व्युरो पठाइएको छ । खनाल नेपाल प्रहरी प्रदेश कार्यालय धरानमा कार्यरत थिए ।

यस्तै विष्णु केसीलाई अपराध अनुसन्धान विद्यालय महाराजगञ्जमा काज सरुवा गरिएको छ । उनी प्रहरी प्रधान कार्यालय महानिरीक्षको सचिवालयमा कार्यरत थिए ।

क्याटेगोरी : अपराध/सुरक्षा, समाचार
ट्याग : #गृह मन्त्रालय, #जनक भट्टराई, #भरत बोहोरा

---

---

---