एमसीसी विरुद्ध ६ वामपन्थी दलले संसद् भवन घेराउ गर्नेदेखि देशैभरी विरोध प्रदर्शन गर्ने

साझापाना २०७८ फागुन ८ गते ११:३८ मा प्रकाशित

संघीय संसदमा प्रतिनिधित्व गर्ने राष्ट्रिय जनमोर्चा नेपालसहित साना ६ घटक वामपन्थी दलले एमसीसी विरुद्धको सडक संघर्ष निर्णायक मोडमा पुगेको भन्दै सडक आन्दोलनलाई आज पनि निरन्तरता दिने भएका छन् ।

चित्रबहादुर केसी नेतृत्वको राजमो नेपालसहित मोहन वैद्य किरणको नेकपा (क्रान्तिकारी माओवादी) र नेत्रविक्रम चन्द नेतृत्वको नेपाल कम्युनिष्ट पार्टीसहित साना वामपन्थी दलले एमसीसीविरुद्धको आन्दोलन निर्णायक मोडमा पुगेको भन्दै सडक आन्दोललाई निरन्तरता दिने भएका हुन् ।

‘नेपाली जनताको एमसीसीविरुद्धको संघर्ष गम्भिर मोडमा पुगेको निष्कर्ष बैठकले निकालेको छ’ भन्ने उल्लेख गर्दै साना वामपन्थी दलले अमेरिकन राजदुत (यान्डी बेरीको टविट, चीनका विदेश विभागको पत्रकार सम्मेलनबाट ब्यव्यक्त धारणा र देउवा सरकारको एमसीसी संसदमा टेबुल गर्नेगरी पारित गराउने अन्तिम कसरतले उक्त विषयलाई पुष्टी गरेको साना वामपन्थी दलको निष्कर्ष रहेको छ ।

काठमाडौँ उपत्यकामा माइतिघर मण्डलाबाट विरोध प्रदर्शनसहित नयाँ बानेश्वरस्थित संसद् भवन घेराउ गर्नेदेखि देशव्यापी रुपमा सबै जिल्लामा जिल्ला प्रशासन कार्यालय घेराउ गर्ने कार्यक्रम तय गरेको छ । जसअनुसार आज साना वामपन्थी दलले देशैभरी विरोध प्रदर्शन गर्नेछन् ।

क्याटेगोरी : समाचार
ट्याग : #एमसीसी