काठमाडौं । काठमाडौं महानगरपालिकाबाट प्रहरीले नक्कली नेपाली नोटसहित ४ जनालाई पक्राउ गरेको छ । महानगरपालिका १६ नयाँ बजार मेडिकल चोक एरियाबाट १ हजार दरका २ सय ९४ थान नक्कली नेपाली नोटसहित प्रहरीले उनीहरुलाई पक्राउ गरेको हो । उक्त स्थानमा नक्कली नोटको अवैध कारोबार भइरहेको भन्ने सूचनाको आधारमा बुधबार दिउँसो महानगरीय अपराध महाशाखाबाट खटिएको प्रहरीले उनीहरुलाई पक्राउ गरेको बताएको छ ।

पक्राउ पर्नेहरुमा काठमाडौं नयाँ बजार बस्नेहरू रौतहट गौर नगरपालिका(१२ घर भएका २८ वर्षीय पृथ्वी प्रसाद साह, रौतहट राजपुर नगरपालिका ३ घर भएका २७ वर्षीय मोहम्मद मुसरफ अली, रौतहट राजपुर नगरपालिका ६ घर भएका ३० वर्षीय असरफ अली सहिद र रौतहट गौर नगरपालिका(९ घर भएका २८ वर्षीय महमद शम्साद आलम  रहेका छन् । यस सम्बन्धमा थप अनुसन्धान भइरहेको उक्त महाशाखाले जनाएको छ ।

थप समाचार

रास्वपा सांसद कोमल ज्ञवालीविरुद्ध दुई मुद्दा, एकमा क्षतिपूर्ति आदेश, अर्को…

मनमैजुमा प्रहरीको अपरेसनः लुटिएको हात्तीको दाह्रासहित ५ जना पक्राउ

कोशी प्रदेशस्तरीय ब्याडमिन्टन अम्पायर क्षमता अभिवृद्धि तालिम सम्पन्न (फोटो सहित)

ओली सरकारको पालामा सुरु भएको एरोस्पेस शिक्षा पहल आठ वर्षपछि…