मादी घटनाको सत्यतथ्य छानविन गर्न काँग्रेस नेता दिपक खड्काको माग

साझापाना २०७८ भदौ २१ गते १८:४१ मा प्रकाशित

नेपाली काँग्रेसका युवा नेता दिपक खड्काले संखुवासभा मादी नगरपालिकाको घटनाका दोषीलाई चाँडो पत्ता लगाएर कारबाही गर्न माग गर्नुभएको छ ।

पूर्व खानेपानी तथा सरसफाई राज्यमन्त्री समेत रहनुभएका नेता खड्काले आज सामाजिक सञ्जाल फेसबुकमार्फत संखुवासभाको मादी नगरपालिका–१ खोलागाउँमा एकै परिवारका ६ जनाको हत्या भएको भन्दै उक्त घटनाको दोषीलाई चाँडै पत्ता लगाएर कारबाही गर्न माग गर्नुभएको हो ।

“मादी घटनाले मलाई साह्रै दुःखीत बनाएको छ, के कारणले घटना घट्यो त्यसको सत्यतथ्य पत्ता लगाई दोषीलाई कडाभन्दा कडा कारबाही गर्न माग गर्दछु,”– उहाँले भन्नुभयो । काँग्रेस नेता खड्का विस २०७० को संविधानसभा निर्वाचनमा सोही क्षेत्रबाट निर्वाचित हुनुभएको थियो ।

क्याटेगोरी : अपराध/सुरक्षा, समाचार
ट्याग : #संखुवासभा