सीता पौडेल (अर्चना)

काठमाडौं । नेकपा एमाले १० औँ महाधिवेशन आयोजक कमिटीको बैठक बालुवाटारमा शुरु भएको छ । प्रधानमन्त्री तथा नेकपाका अध्यक्ष केपी शर्मा ओलीले यहि वैशाख ६ गतेको बैठकबाट निर्णय गराएर नेता माधव नेपालसहित २७ जना संघीय सांसद र कर्णाली प्रदेशका चार जना सांसदलाई स्पष्टीकरण सोधेका थिए ।

आजको बैठकमा नेकपा एमालेका वरिष्ठ नेता माधवकुमार नेपाल समूहका सांसदहरुले बुझएको स्पष्टीकरण पत्रबारे निर्णय गर्ने, नेताहरुको कार्य विभाजन, उपनिर्वाचन, प्रदेश सरकारलगायतबारे छलफल गर्ने लगायतका कार्यसूची तय गर्ने तयारी भएको नेकपा निकटका नेताहरुले बताएका छन् ।

कर्णाली प्रदेशका पाँच जना सांसदहरुले कर्णालीका मुख्यमन्त्री महेन्द्र बहादुर शाहीको सरकार जोगाउन पार्टीको ह्वीप उल्लघंन फ्लोर क्रस गरेर  शाहीको पक्षमा मतदान गरेका थिए । सांसद प्रकाश ज्वाला, कुर्मराज शाही, नन्दसिंह बुढा र अमरबहादुर थापाले मुख्यमन्त्री शाहीलाई विश्वासको मत दिएका थिए ।

क्याटेगोरी : समाचार
ट्याग : ##आयोजक कमिटीको बैठक, ##नेकपा एमाले १० औँ महाधिवेशन, #breaking

---

---

---