गजलकार नवराज पौडेलको ‘छहारी’ गजल सङ्ग्रह सार्वजनिक

साझापाना २०७७ चैत्र २२ गते ०८:४२ मा प्रकाशित

काठमाडौं ।युवा गजलकार नवराज पौडेलको पहिलो गजल सङ्ग्रह ‘छहारी’ सार्वजनिक भएको छ । शनिबार कार्यक्रममा वरिष्ठ गजलकार ज्ञानुवाकर पौडेल,प्रतिष्ठानका प्राज्ञ सदस्य शशि लुमम्वु, गजलकार तथा आख्यानकार जितेन्द्र रसिक, त्रिपुरा पौडेल सर्जक रमेश पौडेल लगायतले काठमाडौंमा एक कार्यक्रमकाविच उक्त गजल सङ्ग्रहको विमोचन गरेका थिए।

कार्यक्रममा गजलकार ज्ञानुवाकर पौडेलले गजलकार बन्न इतिहास, भूगोल, संस्कृतिलगायत विषयमा जानकारी हुनुपर्ने बताए। गजलको लोकप्रियता घटेको नभई लेख्ने मानिस कम भएकाले घटेजस्तो देखिएको उनले बताए । साहित्यको गजल विधाले मुक्तक विधालाई पनि वातावरण दिएको गजलकार पौडेलको भनाइ छ।

पौडेलले प्रहरी सेवामा रहेर देश सेवा गरेर बाँकी रहेको समयमा देखे भोगेका कुरा गजलमा उतार्ने गरेको बताए। कार्यक्रममा गजलकार एवं मुक्तककार रमेश पौडेललगायतले नव गजलकार पौडेललले समाजमा देखिने विभिन्न गतिविधिलाई गजलमा उतारेको बताए। ।

क्याटेगोरी : समाचार
ट्याग : ##नवराज पौडेलको ‘छहारी’ गजल सङ्ग्रह सार्वजनिक