स्याङ्गजा । स्याङ्गजा जिल्लाको वालिङ्ग हुँदै सेतीवेणी र गल्याङ्ग हुँदै सेतीवेणी जोड्ने दुई सडक खण्ड कालो पत्रे गर्ने कार्यको शुभारम्भ भएको छ ।

माननीय कृर्षि तथा पशुपन्छी विकास मन्त्री पद्ममा कुमारी अर्यालले आइतबार यी दुबै सडकको कालोपत्रे गर्ने कार्यको सिलान्यास गर्नु भएको हो । मन्त्री अर्यालको पहलमा अर्थ मन्त्रालय बजेट तथा कार्यक्रम महाशाखाले खरिद प्रकृया र निर्माण कार्य अगाडि बढाउन सहमति समेत गरिसकेको छ ।

 

यस अघि नै सेतीवेनी–पेलाकोट–गल्याङ–चापाकोट–डण्डा–नवलपुर सडक (वैकल्पिक राजमार्ग) का लागि १५ करोड र जगत भञ्जाङ–मण्डीथान –केवरे भन्ज्याङ–बारीकुना–किसान–चापाकोट–गजरकोट सडक स्याङ्जा का लागि २० करोड विनियोजन भएकोमा स्तरोन्नतिका लागि थप १५ करोडको सीमाभित्र रही निर्माण कार्य अघि बढाउने योजना रहेको जनाइएको छ ।

साथै आगामी वर्षको सिलिङभित्र बजेट प्रस्ताव गर्ने गरी अर्थ मन्त्रालयले सहमति प्रदान गरेको मन्त्री अर्यालले जानकारि दिनुभयो।

क्याटेगोरी : समाचार
ट्याग : ## स्याङ्गजा, #सडक कालोपत्रे

---

---

---