प्रधानमन्त्री ओलीले सत्तामा पुगेर जनता र समाजबाद बिर्सिए : नेकपा नेता नेपाल

दाहाल समुहको नेकपा संखुवासभाको बृहत जनसभा ( फोटो फिचर )

साझापाना २०७७ फागुन ८ गते २२:०४ मा प्रकाशित

दाहाल समुह नेकपाका अध्यक्ष माधवकुमार नेपालले प्रधानमन्त्री ओलीले सिंगो देशलाई आगो लगाएको आरोप लगाएका छन् ।
उँहाले आगो लगाउने अधिकार प्रधानमन्त्रीलाई नभएको दाबी गरे । दाहाल समुहको नेकपा संखुवासभाले शनिबार खाँदबारीमा गरेको जनसभालाई सम्बोधन गर्दै नेपालले जनता र समाजवाद सत्तामा पुगेर ओलीले बिर्सिएर मनपरी गर्न थालेको बताए । नेपालले ओलीले प्रधानमन्त्रीको गरिमा राख्न नसकी धज्जी उडाएको पनि बताए ।

ओलीको गफ र उखानटुक्काले मात्रै देश चल्न नसक्ने बताउँदै उनलाई ‘हिटलर’ को उपमा दिनुभयो । नेता नेपालले स्थिरताबाट देश बचाउन आफूहरू सडकमा आउनुपरेको उल्लेख गरे । उनले आफूलाई सर्वोच्च अदालत र निर्वाचन आयोगमाथि पूरै विश्वास रहेको बताए । प्रतिनिधिसभा विघटन गर्ने ओलीको निर्णयलाई सच्याउन सडक आन्दोलन र शक्ति प्रदर्शन नै उपयुक्त विकल्प ठानेको नेकपाले त्यसैलाई जोड दिएको पनि नेपालले बताउनुभयो ।

जनसभालाई सम्बोधन गर्दै नेकपाका अर्का नेता बर्षमान पुनले पार्टी, सरकार र जनमतमा तिरस्कृत भएपछि ओलीले राष्ट्रिय राजनीतिको धुरीमा आगो लगाएको टिप्पणी गरे। पुनले हुँदा हुँदैको दुई तिहाइ मासेर दुई तिहाइका लागि प्रतिनिधिसभा भंग गरेको भन्नु लज्जाको विषय भएको उल्लेख गरे  । उनले सर्वोच्च अदातलको निर्णय पर्खेर बसेको बताए । सभालाई रामकुमारी झाक्री, राम कार्की, परशुराम मेघी गुरुङ लगायतले सम्बोधन गरेका थिए ।