स्वास्थ मापदण्ड अपनाउदै तुम्लिङटार विमानस्थल संचालन

सोमबार बुद्ध र यति एयरले ३ उडान गर्यो ।

सुजन बज्राचार्य फोटोपत्रकार संखुवासभा २०७७ असोज ५ गते १७:११ मा प्रकाशित

खाँदबारी, ५ असोजः लकडाउनको झन्डै सात महिना पछि संखुवासभाको तुम्लिङटार विमानस्थल सञ्चालनमा आएको छ । सोमबार बुद्ध र यति एयरले ३ उडान गरेको छ । बुद्धले काठमाण्डौ तुम्लिङटार, तुम्लिङटार विराटनगर र तुम्लिङटार काठमाण्डौ उडान गरेको छ । त्यस्तै यति एयरले काठमाण्डौ तुम्लिङटार काठमाण्डौ १÷१ उडान गरेको छ । स्वास्थ्य मापडण्डको पूर्ण पालना गरेर उडान सुरु गरिएको नागरिक उड्यान कार्यालय तुम्लिङटारका प्रमुख केशव लम्सालले बताउनुभयो । लम्सालका अनुसार एयरपोटको १ नम्बर गेटबाट यात्रुबाहेक अन्यलाई प्रवेश निषेध गरिएको छ ।

यात्रु र विमानका कर्मचारीका लागि पञ्जा, सेनिटाईजर, माक्स, फेस सिल्ड लगायतका स्वास्थ्य सामाग्री अनिवार्य गरिएको छ । ३ फिट दुरी कायम गरेर विमानस्थलको चेकपोष्ट र यात्रु सहायता कक्ष निर्माण गरिएको छ । चैत ११ पछि तुम्लिङटार विमानस्थल बन्द थियो ।

[contact-form][contact-field label=”Name” type=”name” required=”true” /][contact-field label=”Email” type=”email” required=”true” /][contact-field label=”Website” type=”url” /][contact-field label=”Message” type=”textarea” /][/contact-form]