बुधबार थप १ हजार ५३९ जनामा कोरोना संक्रमण पुष्टि भएको छ।नेपालमा यो अहिलेसम्मकै सबैभन्दा उच्च संख्या हो ।

स्वास्थ्य तथा जनसंख्या मन्त्रालयको दैनिक अपडेट अनुसार पछिल्लो २४ घण्टामा सो संख्याका संक्रमित थपिएका हुन्। आज थपिएका सहित संक्रमित हुनेको संख्या ५८ हजार ३२७ पुगेको छ।

त्यस्तै पछिल्लो २४ घण्टामा १ हजार ६८ जना कोरोनाबाट निको भएका छन्। यी सहित हालसम्म निको हुनेको संख्या ४१ हजार ७०६ पुगेको छ।

पछिल्लो २४ घण्टामा थप ८ जना कोरोना संक्रमितको मृत्यु भएको छ। यो सहित कोरोनाबाट मृत्यु हुनेको संख्या ३७९ पुगेको छ।

क्याटेगोरी : समाचार
ट्याग : #corona update

---

---

---