सिलिचोङ्ग पहिरो पीडितलाई अरुण तेश्रोको १० लाख सहयोग

साझापाना २०७७ भदौ ३० गते १६:२७ मा प्रकाशित

संखुवासभामा निर्माणाधिन ९०० मेघावाटको अरुण तेश्रो आयोजना एसएपिडिसी, जेपी एसोसियटर्स र पट्टेल ईन्जिीनियरिङ्गका कर्मचारीले सिसुवाका पहिरो पीडितलाई १० लाख रुपैयाँ सहयोग गरेका छन् । सिलिचोङ्ग गाउँपालिका १ को बेसिन्दाका पहिरो पीडितलाई एसएपिडिसी, जेपी एसोसियटर्स र पट्टेल ईन्जिीनियरिङ्गका कर्मचारीले १० लाख रुपैयाँ सहयोग गरेका हुन् । उक्त रकम कम्पनीका तर्फबाट एसजेपीडिसीका प्रतिनिधि आरसी सुलेरियाले प्रमुख जिल्ला अधिकारी जीवनप्रसाद आचार्यलाई हस्तान्तरण गर्नुभयो । प्रजिअ आचार्यले पनि चेक गाउँपालिका अध्यक्ष राम कुलुङ्गलाई हस्तान्तरण गर्नुभएको छ ।

प्रजिअ आचार्य र गाउँपालिकाका अध्यक्ष कुलुङ्गले यो रकमले पीडितलाई निक्कै राम्रो राहत मिल्ने बताउनुभयो । यो रकम गाउँपालिकाले निर्णय गरेपछि खर्च गर्ने पनि कुलुङ्गले बताउनुभयो । प्रजिअ आचार्य र अध्यक्ष कुलुङ्गले सहयोगी एसएपिडिसी, जेपी एसोसियटर्स र पट्टेल ईन्जिीनियरिङ्गका कर्मचारीलाई धन्यवाद तथा आभार व्यक्त गर्नुभयो ।

अरुण तेस्रोको प्रभावित क्षेत्र समेत रहेको सिलिचोङ्ग गाउँपालिका १ बेसिन्दा गाउँमा गएको असार २८ गते राति पहिरो गएको थियो । उक्त पहिरोले बेसिन्दाका ९ घर बगाएको थियो भने ११ जना बेपत्ता छन् ।

क्याटेगोरी : समाचार
ट्याग : #अरुण तेश्रो, #पहिरो, #संखुवासभा, #सिसुवा