संस्कृत माध्यमिक विद्यालय भिमसेनथापा–३, तान्द्राङ गोरखामा सार्वजनिक सुनुवाई कार्यक्रम सम्पन्न भएको छ । भिमसेनथापा गाउँपालिकाबाट चालु आर्थिक वर्षमा प्राप्त स्वीकृत कार्यक्रम अन्तरगत विद्यालयको घेराबार तथा खेल मैदानमा ब्लक लगाउने कार्यक्रमको लागि रु. ८ लाख प्राप्त भएको र विद्यालयको आफ्नै स्रोत १ लाख ६४ हजार ७१ रुपैँयाबाट निर्माण सम्पन्न भएको योजनाको सार्वजनिक सुनुवाई कार्यक्रम सम्पन्न भएको हो ।

विद्यालयका प्रधानाध्यापक श्याम प्रसाद लामिछानेले योजनाको आम्दानी खर्च प्रस्तुत गर्दै निर्माण सामाग्री खरिद रु. ३ लाख ८१ हजार ५ सय ५१, घेराबार सामाग्री रु. १ लाख १९ हजार ५ सय ९९ रुपैँया, स्टोन डस रु. २७ हजार १ सय २०, निर्माण ज्याला ४ लाख २९ हजार ५ सय र व्यवस्थापन खर्च रु. ६ हजार ३ सय गरी ९ लाख ६४ हजार ७१ को आम्दानी खर्च प्रस्तुत गर्नुका साथै सरोकारवालाहरुले उठाएका प्रश्नको जवाफ दिनुभएको थियो ।

व्यवस्थापन समितिका अध्यक्ष कृष्ण बहादुर लामिछानेको अध्यक्षता रहेको कार्यक्रममा शिक्षक अभिभावक संघका अध्यक्ष केशरी प्रसाद खनाल लगायत शिक्षक, विद्यार्थी र अभिभावकहरुको सहभागिता रहेको थियो ।

क्याटेगोरी : स्थानीय
ट्याग : #भिमसेनथापा

---

---

---