त्रियुगा नगरपालिका मेयरमा काँग्रेसका वसन्त बस्नेत निर्वाचित

साझापाना २०७९ जेठ १६ गते १६:४९ मा प्रकाशित

उदयपुर । उदयपुरको त्रियुगा नगरपालिकाको मेयरमा काँग्रेसका उम्मेदवार वसन्त बस्नेत निर्वाचित भएका छन् ।

उनले निकटतम प्रतिद्वन्द्वी एमालेका उम्मेदवार भागवत राउतलाई २ हजार ८६ मतान्तरले पराजित गरेका हुन् ।

त्रियुगामा ४० हजार १ सय ३७ मत खसेकोमा बस्नेतले १३ हजार ९ सय ५९ मत ल्याएका थिए भने राउतले ११ हजार ८ सय ७३ मात्र मत प्राप्त गरेका थिए ।

उपमेयरमा एमालेकी महेश्वरी राई निर्वाचित भएकी छन् । राईले नेपाली काँग्रेसका उम्मेदवार सरिता राईलाई १ हजार ७ सय २२ मतान्तरले पराजित गरेका थिए । महेश्वरीले १३ हजार ७ सय ३ मत ल्याएकी थिइन् भने निकटतम प्रतिद्वन्द्वी सरिताले ११ हजार ९ सय ८१ मात्र मत प्राप्त गरिन् ।

क्याटेगोरी : स्थानीय
ट्याग : #त्रियुगा नगरपालिका