तनहुँको भिमाद नगरपालिकामा गठबन्धन र एमालेको प्रतिष्पर्धा
तनहुँ । तनहुँको भिमाद नगरपालिकामा सत्ता गठबन्धन दलले तालमेल गरेरे उम्मेदवारी दिएका छन् । भिमाद नगरपालिकामा आगामी ३० वैशाखमा हुने स्थानीय तहको निर्वाचनमा नेकपा एमाले भर्सेस चार दलबीच प्रतिष्पर्धा हुने भएको छ ।
एमालेसँग सत्तारुढ दल नेपाली कांग्रेस, एकीकृत समाजवादी पार्टी, माओवादी केन्द्रसँगै राष्ट्रिय जनमुक्ती पार्टीले तालमेल गरेर निर्वाचन लड्दैँछन् ।
सोमबार भएको उम्मेदवारको मनोनयन दर्तामा एमालेबाट मेयरमा दधिराज सुवेदी र उपमेयरमा शारदा खनालले उम्मेदवारी दर्ता गराए । खानलले फेरि उपमेयरमा दोहोरिनलाई उम्मेदवारी दर्ता गराएकी हुन् । गठबन्धनको तर्फबाट एकीकृत समाजवादीका काजिमान श्रेष्ठले मेयरमा र नेपाली कांग्रेसका मिलन आलेले उपमेयरमा उम्मेदवारी दर्ता गराएका छन् ।
घिरिङ गाउँपालिकामा पनि कांग्रेस र एकीकृत समाजवादी पार्टीले तालमेल गरेका छन् । घिरिङ गाउँपालिकाको अध्यक्षमा एमालेबाट होमबहादुर थापा र उपाध्यक्षमा राधादेवी अधिकारीको मनोनय परेको छ । गठबन्धनबाट अध्यक्षमा कांग्रेसका गंगा कुमाल र उपाध्यक्षमा एकीकृत समाजवादीका पूर्णबहादुर थापाले मनोनयन दर्ता गराएका छन् ।
शुक्लागण्डकी नगरपालिकामा सत्तारुढ दल कांग्रेस र माओवादी केन्द्रले तालमेल गरेका छन् । मेयरमा कांग्रेसका कृष्णराज पण्डित र उपमेयरमा माओवादी केन्द्रका खुमबहादुर विक (राजु) ले उम्मेदवारी दिएका हुन् । मेयर र उपमेयरमा तालमेल भए पनि वडामा भने एक्लाएक्लै उम्मेदवारी दर्ता भएको छ ।
क्याटेगोरी : स्थानीय
धेरै पढिएका
- १काठमाडौं क्षेत्र नं ७ का नेकपाका केन्द्रीय सदस्य ज्ञानेन्द्र मोहन श्रेष्ठसहित दर्जनौं युवा एमाले प्रवेश
- २टोखा–छहरे सुरुङमार्गले धेरै बस्ती मापदण्डका कारण समस्यामा पर्ने भएकाले विकल्प खोज्न मन्त्री खनालको प्रस्ताव
- ३काठमाडौं–७ : प्रकाश श्रेष्ठको सम्भावना मजबुत बन्दै गएको राजनीतिक विश्लेषकहरूको बुझाइ
- ४एमालेको घोषणापत्रमा के छ ? (पूर्णपाठ)
- ५सिंहदरबारका प्रहरी प्रमुख जनार्दन घिमिरे सहित उत्कृष्ठ कार्य गर्ने ३ जना प्रहरी अधिकृत पुरस्कृत
- ६तारकेश्वरमा युवाहरुले भ्रष्टाचार र बेथितिविरुद्ध आवाज उठाँउदा नगरपालिकाको धम्कीपूर्ण विज्ञप्ति
- ७तारकेश्वर साङ्गला पटापुमा ईभी गाडीभित्र महिलाको शव फेला, प्रहरीले सुरु गर्यो सबै कोणबाट अनुसन्धान
- ८काठमाडौं क्षेत्र नं. ६ मा लोकप्रिय युवा उम्मेदवारहरूबीच कडा प्रतिस्पर्धा






तपाईको कमेन्ट लेख्नुहोस्