नेकपा एसबाट बुढानिलकण्ठको उपमेयरमा उम्मेदवार बन्लान् त धुर्वराज न्यौपाने ?

साझापाना २०७९ वैशाख ६ गते ०९:५३ मा प्रकाशित

काठमाडौं । यही बैशाख ३० मा हुन लागेको स्थानीय निर्वाचनको लागि विभिन्न राजनीतिक दलबाट सम्भावित दावेदार चर्चा चलेको छ ।

सोही निर्वाचनलाई लक्षीत गरि बुढानिलकण्ठ नगरपालिकामा पनि पाँच दलीय गठबन्धनका लागि विभिन्न चरणमा भइरहेको छलफल र विभिन्न विकल्पबारे बहस चलेको छ ।

पछिल्लो चरणमा भएको छलफलमा नेकपा एकीकृत समाजवादी पार्टीले बुढानिलकण्ठ र कागेश्वरी मनोहरासहित चार नगरपालिकामा प्रमुख दाबी गरे पनि बुढानिलकण्ठमा उपमेयर पाउने सम्भावना बढेपछि सम्भावित उम्मेदवारका वारेमा पनि चर्चा सुरु भएको हो ।

बुढानिलकण्ठ नगरपालिकामा नेकपा एसले उपमेयर पाउने सम्भावना बढेपछि सो पदमा नेकपा एसका काठमाडौं जिल्ला कमिटी उपसचिव एवं काठमाडौं क्षेत्र नम्बर ४ का अध्यक्ष धुर्वराज न्यौपानेलाई सम्भावित उम्मेदवारका रुपमा हेरिएको छ ।

हाल नेकपा एस मात्र नभई पाँच दलीय गठबन्धन दलहरुमा समेत न्यौपानेको सम्भावित उम्मेदवारीबारे छलफल भइरहेको गठबन्धनका एक नेताले बताए ।

साविक कपन गाविसमा तत्कालिन नेकपा एमालेको तर्फबाट तीन कार्यकाल प्रमुखका रुपमा नेतृत्व गरेका न्यौपाने जिल्ला खेलकुद विकास समिति काठमाडौंका पूर्वअध्यक्ष पनि हुन् । नेपाल कुराँस संघका केन्द्रीय अध्यक्ष समेत रहेका न्यौपाने तत्कालिन नेकपा एमाले काठमाडौं क्षेत्र नम्बर ४ को सचिवमा निर्वाचित भएका थिए ।

क्याटेगोरी : स्थानीय
ट्याग : #बुढानिलकण्ठको उपमेयर