कारको ठक्करबाट एकै पटक तीन जना पैदलयात्रीको मृत्यु

साझापाना २०७८ चैत्र २८ गते ०८:४७ मा प्रकाशित

राँझा । नेपालगञ्जको बिपी चोक नजिक गएराति कारको ठक्करबाट तीन जना पैदलयात्रीको मृत्यु भएको छ ।

प्रदेश ३–०१–२३ च ८४८१ नम्बरको कारको ठक्करबाट नेपालगञ्ज ११ निवासी ६५ वर्षीया समिना इद्रिसी, पाँच वर्षीय कसिम इद्रिसी र अलि इद्रिसीको मृत्यु भएको जिल्ला प्रहरी कार्यालय बाँकेले जनाएको छ ।

सडकमा हिँडिरहेका तीनै जनालाई कारले ठक्कर दिएको बताइएको छ । कारको ठक्करबाट गम्भीर घाइते भएका उनीहरुलाई त्यहीँ कारमा राखेर चालकले शिक्षण अस्पताल नेपालगञ्ज पुर्याएका थिए ।

१५ मिनेटपछि नै उनीहरुलाई अस्पतालले मृत घोषणा गरेको थियो । प्रहरीले कार चालक नेपालगञ्ज उपमहानगरपालिका–१० निवासी २८ वर्षीय इन्द्रबहादुर थापालाई नियन्त्रणमा लिएको छ ।

क्याटेगोरी : स्थानीय