नयाँ शैक्षिक सत्रको सुरुवातसँगै विद्यालयहरू भर्ना अभियानमा व्यस्त छन् । यसै सन्दर्भमा सञ्चारकर्मी जीवनराज दाहालले सनफ्लावर सेकेन्डरी बोर्डिङ स्कुल, धनुषाका संस्थापक तथा प्रिन्सिपल नारायण बास्तोलासँग गरेको छोटकरी संवाद :

स्वागत छ नारायण सर ।
– धन्यवाद जीवनजी, तपाईं र तपाईंको मिडियामार्फत सबैलाई आभार ।

भर्ना अभियानको चटारोमा प्रिन्सिपलको मनस्थिति कस्तो छ ?
– हाम्रो मुख्य चिन्ता विद्यार्थीको भविष्य सुनिश्चित गर्नु हो, जसमा अभिभावकको विश्वासले हौसला दिन्छ ।

निजी विद्यालयहरूलाई लाभमुखी भनिन्छ, तपाईंको धारणा ?
– केही अपवादहरूलाई लिएर सबैलाई दोष दिन मिल्दैन । हामी न्यून शुल्कमा गुणस्तरीय शिक्षा दिन कटिबद्ध छौं ।

संस्थागत विद्यालयहरूको समग्र भूमिका के देख्नुहुन्छ ?
– निजी विद्यालयले राम्रो नतिजा दिइरहेका छन् । तर, धेरैजसो विद्यार्थी माध्यमिक तहपछि सामुदायिक विद्यालय जान्छन्, जुन संयोजन हो ।

सामुदायिक विद्यालयप्रति तपाईंको दृष्टिकोण ?
– पूर्ण सम्मान छ । तर, निजी विद्यालयप्रति पूर्वाग्रह होइन, सहकार्य चाहिन्छ ।

राज्यको व्यवहार कस्तो लाग्छ ?
– सकारात्मक भन्दा निषेधात्मक । कर तिर्छौं, रोजगारी दिन्छौं, तर राज्यको सहयोग खासै पाइँदैन ।

अन्त्यमा ?
– हाम्रो विद्यालयमा एकपटक अवश्य आउनुहोस् । तपाईंहरूको साथ, सल्लाह र सद्भाव नै हाम्रो प्रेरणा हो ।

क्याटेगोरी : अन्तरवार्ता
ट्याग : #नारायण बास्तोला

---

---

---