नवराज गौतमको वास्तविक कथामा आधारित “बिर्सु कसरी” सार्वजनिक

साझा पाना २०८३ वैशाख ६ गते १९:४६ मा प्रकाशित

नवराज गौतमको जीवन भोगाइमा आधारित मार्मिक लोकगीत “बिर्सु कसरी” सार्वजनिक भएको छ। सानुको सम्झनामा तयार गरिएको यस गीतले प्रेम, पीडा र बिछोडको गहिरो अनुभूति प्रस्तुत गर्दछ। गीतमा गायक मोतिराज खनाल र गायिका शान्तिश्री परियारको सुमधुर स्वर सुन्न सकिन्छ।

गीतको शब्द नवराज गौतमले स्वयं लेखेका हुन् भने संगीत मोतिराज खनालले तयार गरेका हुन्। महेन्द्र भण्डारीको संगीत संयोजन रहेको यस गीत मारुनी डिजिटल रेकर्डिङ स्टुडियोमा तयार गरिएको हो। रेकर्डिङ सुमन रानाले गरेका हुन् भने मिक्सिङ कुमार रानाले गरेका छन्।

म्युजिक भिडियोमा नवराज गौतमसहित सरिता ढुंगाना, भगवान भण्डारी, चन्दा बिडारी, कमला भुजेल, सागर गिरी, गीता खनाल, कृष्टीना शाह, सरिता कुवर, सिद्धार्थ कंडेल, साइब्रीना थिङ, बिक्रम थापा र लक्ष्मण खड्का लगायत कलाकारहरूको अभिनय देख्न सकिन्छ।

भिडियो निर्देशन निर्देशक देवेन्द्र कुवरले गरेका हुन् भने छायांकन दीपक गिरी र सम्पादन राजेश कुमारले गरेका छन्।

यो गीत नवराज गौतमको वास्तविक जीवनमा घटेको एक दर्दनाक घटनामा आधारित रहेको बताइएको छ, जसमा प्रेम, सामाजिक दबाब र बिछोडको पीडालाई मार्मिक ढंगले प्रस्तुत गरिएको छ। “बिर्सु कसरी”लाई केवल गीत मात्र नभई वास्तविक भावनाको अभिव्यक्तिका रूपमा लिइएको छ।

क्याटेगोरी : मनोरञ्जन/साहित्य
ट्याग : #नवराज गौतमको वास्तविक कथामा आधारित “बिर्सु कसरी” सार्वजनिक