काठमाडौँ । नेपाली चलचित्र क्षेत्रकी सफल अभिनेत्री तथा निर्देशक झरना थापा र उनकी छोरी अभिनेत्री सुहाना थापा पहिलो पटक एउटै चलचित्रमा देखिने भएका छन् । संगीतकारको रूपमा स्थापित हरि लम्सालको डेब्यु निर्देशन रहने चलचित्र ‘बाः एक योद्धा’ मा यी आमा–छोरी मुख्य भूमिकामा देखिन लागेका हुन् ।

विगत दुई सातादेखि छायाङ्कन भइरहेको यस चलचित्रको निर्माण पक्षले कलाकारहरूको नाम गोप्य राखेको थियो । तर अहिले भने मुख्य भूमिकामा झरना–सुहाना थापा रहेको सार्वजनिक भएको गरिएको छ । गत चैत्र ९ गते काठमाडौँस्थित पशुपतिनाथ मन्दिर परिसरमा स्क्रिप्ट र क्यामेरा पूजा गर्दै छायाङ्कन सुरु गरिएको फिल्म ‘आर्टिस्टिक इन्टरटेनमेन्ट’ को ब्यानरमा निर्माण थालिएको हो ।

सङ्गीत र पार्श्व गायनमा दर्जनौँ गीतहरू दिइसकेका चर्चित संगीतकार हरि लम्साल यसै चलचित्रमार्फत निर्देशकमा डेब्यु गर्न लागेका हुन् । कथा र पटकथा समेत लम्सालकै रहेको चलचित्रको कथा नेपाली परिवारमा ‘बुवा’ को महत्त्व र उनको अस्तित्वलाई दर्साउने बनाइएको छ ।

थप समाचार

फागु पूर्णिमामा कमला सहित्य कला समाज धनुषाको विशेष कार्यक्रम

मिसेस नोबेल नेपाल २०२६ को ताज शुभेच्छालाई

बर्दिबास साहित्यिक–सांस्कृतिक प्रतिष्ठानको ७७ औँ नियमित साहित्य शृङ्खला वनभोजसहित सम्पन्न

खाँदबारीमा जिएसएफ सिनेमा सञ्चालन