काठमाडौँ । रोशन दासको निर्देशनमा नयाँ चलचित्र ‘प्रतिवैरम’ को एक कार्यक्रमबिच ओपचारिक घोषणा गरिएको छ । मधेश केन्द्रित कथामा बन्न लागेको चलचित्रको निर्माण पक्षले पोस्टर सार्वजनिक गर्दै यसको घोषणा गरेका हुन् । पोस्टरमा रावणलाई पृष्ठभूमिमा राखेर अघिल्तिर एक व्यक्ति उभिएको देख्न सकिन्छ ।
‘मधेशबारे बन्ने चलचित्रहरुमा मधेशको वास्तविक सौन्दर्य र समस्या खासै नपाईने निर्देशक दासले बताए ।  उनले भने, ‘हाम्रो फिल्ममा त्यो अभाव नहोस् भन्ने हिसाबले काम गरेका छौं । दासका अनुसार सिनेमा मधेशकेन्द्रित रहेर सामाजिक र राजनीतिक विषयवस्तुमा आधारित रहेको छ ।’
फिल्मलाई रेज इन्टरटेनमेन्टले आत्रेय पोडक्सन हाउस, किङ्स वाईटी स्टुडियो र श्रीयन इन्टरटेमेन्टसँगको सहकार्यमा निमार्ण गर्न लागेको हो ।

फिल्मको कथा निर्देशक दास स्वयको रहेको छ भने पटकथा युवराज भट्टराईले लेखेका छन् । सिनेमालाई निरज कँडेलले खिच्दै छन् । फिल्मका कलाकारहरु बारेमा भने केही समयमा सार्वजनिक गरिने दासले जनाए । उनको अनुसार, ‘हामीले केही नयाँ र केही पुराना अग्रज कलाकारहरुसँग यो परियोजनामा काम गर्दैछौं ।’ चलचित्र यही वर्षको अन्यतिर प्रदर्शन गरिने निमार्ण पक्षले जनाएको छ ।

थप समाचार

साहित्यिक ७६औँ शृङ्खलामा जमुना पोखरेलको सिर्जना कृति प्रस्तुत

‘पञ्चामृत’ मा गणेश तिमल्सिना ‘गति’ को ‘मनोगति’ माथि गहन संवाद

नयाँ वर्षलाई उत्सवमा बदल्दै गौतम होटल, पर्यटन प्रवर्द्धन लक्ष्यसहित सांस्कृतिक…

बुढ्यौली साहित्य समाज महोत्तरीको दोस्रो अधिवेशन तथा सातौँ शृङ्खला सम्पन्न