स्ववीयूले खन्यायो रजिस्टारको अफिस अगाडी भत्काएको संरचना

साझापाना २०८१ मंसीर ९ गते २०:४५ मा प्रकाशित

प्रदिप ढकाल ,भक्तपुर
मंसिर ०९, आइतबार ।

भक्तपुर क्याम्पसको गेट र पर्खाल भत्काएको विषयमा त्रिभुवन विश्वविद्यालयका उपकुलपतिबाट रजिस्टार र क्याम्पस प्रमुख माथि कुनै कारबाही नगरेको भन्दै भक्तपुर क्याम्पस स्ववीयूले रजिस्टारको अफिस अगाडी भत्काएको संरचना खन्याएर विरोध गरेको छ ।

भक्तपुर नगरपालिकाले बल पूर्वक असोज ७ गते भक्तपुर क्याम्पसको गेट र पर्खाल भत्काएर बाटो बनाउन लागेपछि विद्यार्थी आन्दोलित भएका हुन् । आन्दोलनको क्रममा विद्यार्थीले क्याम्पसमा प्रमुखलाई प्रवेश निषेध देखि विभिन्न धर्ना एवं अन्य आन्दोलन गर्दै आएका न्। ामीले अध्ययन गर्ने संस्थाको पर्खाल भत्काइएको छ र यो समयमा पनि विश्व विद्यालय आफ्नो भएको जमिन जोगाउनकोलागी लागी नपरेको र यो कदम निन्दनीय भएका कारण आफूहरू आन्दोलनमा नै रहेको क्याम्पसका स्ववीयू सभापति पुकार पराजुलीले बताए। जसको विरुद्धमा हामीले आज नगरपालिकाले भत्काएको संरचना रजिस्टारको कार्यालयको गेटमा खन्याएका हौँ उनले थपे। पराजुलीको नेतृत्वमा करिब ३ दर्जन विद्यार्थी रजिष्टार कार्यालयको गेटमा भत्काएको संरचना खन्याउन पुगेका थिए ।