प्रदिप ढकाल ,काठमाण्डु
मंसिर ०६ , विहीबार ।

भविष्यको राम्रो सपना बुनेर विदेश पढ्न जाने विद्यार्थीको लर्को लागिरहेकै बेला युनिर्भसिटि अफ सेन्ट्रल लंकाशायरबाट ग्रेजुएट भएर नेपाल फर्किएका र नेपालमै भविष्य सिंगार्न खोजेका विद्यार्थीलाई सम्मान गरिएको छ । विदेशमा सिकेको सिप नेपालमै लगाएर असल व्यवसायी बन्न चाहने विद्यार्थीलाई बिज एजुकेशनद्धारा सम्मान गरिएको हो । ग्रेजुएट विधार्थीलाई सम्मान गर्नुहुदै बिज एजुकेशनका निर्देशक हरि कार्कीले विदेशमा सिकेको सिप र मेहनत अब स्वदेशमा फर्केर आफ्नो दक्षता तथा क्षमतासंगसंगै व्यवसायीक बन्न आफ्नो सस्थाले विद्यार्थीहरुलाई सिकाइरहेको बताउँनु भयो । बिज एजुकेशनले सामाजिक कार्यमा पनि महत्वपूर्ण भूमिका खेलिरहेको भन्दै बेलायतको अर्थतन्त्रका फाइदाहरूलाई विद्यार्थीहरूले नेपालमा समेत लागु गर्नु पर्ने धारणा राख्नु भयो । संस्कृति, शिक्षा, रोजगारीका अवसरहरूका लागि नेपाली विद्यार्थीहरूको लागि बेलायत गन्तव्य भएको उहाँको भनाइ छ । सम्मान कार्यक्रममा नेपाली विद्यार्थीहरूले विदेशमा अध्ययन गर्न गन्तव्य छनोट गर्दा विचार गर्नुपर्ने मुख्य विषयका बारेमा रेखा नेगी लामाले प्रकाश पार्नु भयो । विद्यार्थीहरूलाई सम्मान गदै अन्तर्राष्ट्रिय निर्देशक उला ताङ प्लोमामले किन नेपालका धेरैजसो  विद्यार्थीको अध्ययन क्षेत्रको रूपमा व्यवसाय व्यवस्थापन पाठ्यक्रम छनौट गर्ने भन्ने विषयमा झुकाव दिनु भयो । करियरको लचिलोपन, सीपका लागि विश्वव्यापी माग बढेको उहाँको भनाइ छ । नेपाली विद्यार्थीहरूलाई अन्तर्राष्ट्रिय छात्रवृत्ति र उच्च उपलब्धि हासिल गर्न छात्रवृत्तिको सन्दर्भमा समेत बिज एजुकेशनले सहजीकरण गरिरहेको उला ताङको भनाइ छ । कार्यक्रममा सहभागिले स्नातक पछि नेपाली विद्यार्थीहरूको लागि करियर विकल्पहरू के छन्, विशेष गरी व्यवसाय, स्वास्थ्, आईटी, कम्प्युटर विज्ञान र इन्जिनियरिङ जस्ता क्षेत्रमा विश्वविद्यालयहरूले कसरी विद्यार्थीहरूलाई रोजगारी बजारको लागि तयार गर्न मद्दत गर्छन् भन्ने विषयमा सवाल उठाएका थिए । जवाफमा आयोजकले विदेशमा विद्यार्थी पठाउनेमात्र नभैइ विदेशबाट नेपाल फर्किएपछि आफ्नो सिप, क्षमता, दक्षतालाई व्यवसायमा रुपान्त्रण गर्न र समाजमा उत्तरदायि बहन गर्न समेतमदत पुर्याएको बताए । बिज एजुकेशनले विभिन्न सामाजिक क्षेत्रमा समेत सहयोग गर्दै आइरहेको जानकारी दिएको थियो ।

थप समाचार

टेक्सपायर कलेजको नेतृत्वमा आशिष प्रसाईं र ओमकार बस्नेत नियुक्त

एसईईमा साउथवेस्टर्नको ऐतिहासिक सफलता, शतप्रतिशत नतिजासहित ५ विद्यार्थीको ४ जीपीए

हुम्ला कहिले मोटर आउला ?

बर्दिबासमा सुनिता र सबिनाको लगानीमा जुम्बा–योगा तथा डान्स कक्षा सुरु