खाँदबारी – अरुण बरुण निमार्ण सेवा कम्पनी प्रा.लि.ले खाँदबारी नगरपालिकालाई खाद्यान्न सहयोग गरेको छ । निमार्ण कम्पनीले मंगलबार एक सय ५० बोरा चामल नगरपालिकालाई हस्तान्तरण गरेको हो ।

कोभिड १९ (कोरोना) बाट उत्पन्न समस्या र सिर्जित विषम परिस्थतिमा छाक टार्न समस्या भएका बेसहारा, गरिब श्रमजिविहरुलाई समस्या नहोस् भन्ने उद्देश्यले खाद्यान्न सहयोग गरेको कम्पनीका प्रबन्ध निर्देशक तथा निमार्ण व्यवसायि महासंघ संखुवासभामा महासचिब मिगुर शेर्पाले बताउनुभयो । सहयोग तथा राहत स्वरुप चामल हस्तान्तरण गर्दै शेर्पाले छाक टार्न समस्या भएका गरिब मजदुर वर्गको पहिचान गरि नगरपालिकाका सबै वडाहरुमा राहत वितरण गरिदिन आग्रह गर्नुभयो ।

सहयोग चामल ग्रहण गर्दै खाँदबारी नगरपालिकाका नगर प्रमुख मुरारी प्रसाद खतिवडाले कम्पनीलाई धन्यवाद दिनुभयो । प्रमुख खतिवडाले एकद्धार निति अवलम्वन गरेर चामल वितरण गरिने बताउनु भयो । यो र यस्तै निमार्ण कम्पनी तथा अन्य संघसस्थाको सहयोगले गरिब, असाहय, विपन्न तथा श्रमजिविहरुलाई खानमा समस्या नहुने भन्दै सहयोग गर्न अपिल समेत गर्नुभयो ।

थप समाचार

सीमाभन्दा ठूलो चुनौती : राजनीतिक ध्रुवीकरण र नेपालको लोकतान्त्रिक भविष्य

वरिष्ठ नेता थप गरेर पदाधिकारी १९ र केन्द्रीय समितिको संख्या…

कठिन आर्थिक अवस्थामा पनि निजी क्षेत्रले अर्थतन्त्र चलायमान राखेको छ…

गृहमन्त्रालय हरेक चेलीको लागि माइती हो : गृहमन्त्री गुरुङ