प्राकृतिक प्रकोप तथा विपदबारे तालिम सम्पन्न

साझापाना २०८१ असोज २२ गते ०८:१५ मा प्रकाशित

प्रदीप ढकाल ,भक्तपुर
असोज २१, सोमबार ।

विपदबाट हुने जोखिम न्यूनीकरण तथा व्यवस्थापन कसरी गर्न सकिन्छ भन्ने सम्बन्धमा २ चरणका ४ दिने तालिम भक्तपुरमा आईतबार सम्पन्न भएको छ ।

प्राकृतिक प्रकोप तथा विपद पश्चात् जोखिममा परेकाहरुलाई कसरी उद्दार गर्न सकिन्छ र बिपद जोखिम कसरी व्यवस्थापन गर्न सकिन्छ भन्ने विषयमा जानकारी दिनको लागि चाँगुनारायण नगरपालिका विपद व्यवस्थापन उपशाखाले तालिमको आयोजना गरेको थियो ।

चाँगुनारायण नगरपालिकाको सहयोगमा आयोजित तालिममा बिपद व्यवस्थापन तथा जोखिम न्यूनीकरण सम्बन्धि समुदाय, स्थानिय तह तथा स्वयं नागरिकको भूमिकाबाट स्थानीयलाई सुसुचित गराउनुको साथै स्थानीय बिपद व्यवस्थापनको बिषयमा सहभागीहरुलाई प्रस्ट्याइने कार्य गरेका थिए ।

सो तालिममा करिव ६५ जना नगरवासीको सहभागिता रहेको थियो । तालिमको समापन कार्यक्रममा चाँगुनारायण नगरपालिकाका प्रमुख जीवन खत्रीले तालिममा सहभागी नगरवासीलाई प्रमाण पत्र प्रदान गरेका थिए । कार्यक्रममा चाँगुनारायण नगरपालिका बिपद व्यवस्थापन शाखा प्रमुख दिनेश थापा, चाँगुनारायण नगर खेलकूद बिकाश समिति संयोजक रघु खत्री, नेपाली सेना, नेपाल प्रहरी लगायत सुरक्षा निकायका प्रतिनिधीहरुको समेत उपस्थिति रहेको थियो।