मिलन एफसी फुटसलको सेमीमा

साझापाना २०८१ असोज १० गते २२:३० मा प्रकाशित

प्रदीप ढकाल ,भक्तपुर
असोज १०, बिहिबार ।

मिलन एफसी क्लब रोयल नेपाल सेभेन ए साइड खुल्ला फुटसल प्रतियोगिता २०८१ को सेमीफाइनल प्रवेश गरेको छ। रोयल नेपाल फुटसलको आयोजनामा पेप्सिकोला स्थित दिव्यश्वरी प्लानिंगमा आजबाट सुरू भएको पहिलो रोयल नेपाल सेभेन ए साइड खुल्ला फुटसल प्रतियोगिता २०८१ मा आज भएको पहिलो क्वार्टरफाइनल खेलमा बिजयी हासिल गर्दै मिलन एफसी प्रतियोगिताको सेमीफाइनल पुगेको कार्यक्रम संयोजक कृष्ण कार्कीले जानकारी दिए।

यसैगरि आजै भएको दोस्रो क्वार्टरफाइनल खेलमा बिजयी हासिल गर्दै आरोएनबि एफसी समेत सेमीफाइनल प्रवेश गरेको छ। प्रतियोगिता संयोजक कृष्ण कार्कीका अनुसार भोली बिहान ७:३० बजेबाट बाकी क्वार्टरफाइनलका खेलहरु सुचारू हुने छन्। प्रतियोगिता २६ वटा टिमको सहभागिता रहेको समेत जानकारी गराए। २ दिनचल्ने उक्त प्रतियोगिताको विजेता टिमलाई शिल्ड, मेडल तथा प्रमाणपत्र सहित २,०२,२२२ रुपैयाँ नगद पुरस्कार प्रदान गरिने बताए ।त्यस्तै उपविजेता टिमलाई १,०१,१११ रुपैयाँ प्रदान गरिनेछ। उक्त प्रतियोगितामा सर्बोत्कृत खेलाडी तथा उत्कृष्ट गोलरक्षकलाई जनही १० हजार नगद पुरस्कार प्रदान गरिनेछ।