विश्व विनायक बन्यो समुह विजेता

साझापाना २०८१ जेठ २६ गते १९:४५ मा प्रकाशित

प्रदीप ढकाल ,भक्तपुर
जेष्ठ २६, शनिवार ।

भक्तपुर जिल्ला फुटबल संघ (एन्फा) को आयोजनामा भइरहेको भक्तपुर जिल्ला लिग २०८०।०८१ को शनिवारको खेलमा जित हातपार्दै विश्व विनायक क्लव समुह विजेता बनेको छ। भक्तपुर बहुमुखी क्याम्पसको फुटबल मैदानमा शनिवार दिउँसो सम्पन्न खेलमाविश्व विनायक क्लवले भक्तपुर यूनाइटेड फुटवल क्लवलाई ४–२ गोल अन्तरले पराजित गरेको हो। विश्व विनायक क्लवको तर्फबाटअर्बिन श्रेष्ठले २ गोल तथा नबीन कुटु र मदन प्रजापतिले एक एक गोल गरे। भक्तपुर यूनाइटेडको तर्फबाट विवेक कवांन एक्लैले दुईगोल गरे। खेलको म्यान अफ दी म्याच विश्व विनायक क्लवका अर्बिन श्रेष्ट घोषित भए ।

जितसगैं विश्व विनायक क्लव समुह विजेता बन्दै सेमिफाइनल प्रवेश गरेको छ भने भक्तपुर यूनाइटेड फुटवल क्लव समुह उपविजेताबन्दै सेमिफाइनल प्रवेश गरेको हो । प्रतियोगितामा जम्मा ९ क्लबको सहभागिता रहेको र प्रतियोगिताको बिजेताले नगद १ लाख तथा उपविजेताले नगद ५० हजार पाउने पनिआयोजकले जनाएको छ। प्रतियोगिताको प्रथम सेमिफाइनल खेल सोमबार दिउँसो ४ बजे भक्तपुर बहुमुखी क्याम्पसको फुटबलमैदानमा हुने छ।