चेल्सीको सहज जित

साझा पाना २०८० पुस १ गते ११:१५ मा प्रकाशित

काठमाडौं । इंग्लिस प्रिमियर लिगमा चेल्सी विजयी भएको छ ।

शनिबार राति भएको खेलमा चेल्सीले सेफिल्ड युनाइटेडलाई २–० गोल अन्तरले पराजित गरेको हो ।

पहिलो हाफ गोलरहित बराबरीमा सकिएको खेलमा चेल्सीले दुवै गोल दोस्रो हाफमा गरेको हो । ५४ औं मिनेटमा रहिम स्टर्लिङको पासमा कोल पालमरले गोल गर्दै चेल्सीलाई अग्रता दिलाएका थिए ।

यसैगरी ६१ औं मिनेटमा पालमरको पासमा निकोलस ज्याकसनले गोल गर्दै चेल्सीको अग्रता दोब्बर बनाए ।

जितपछि चेल्सी १७ खेलबाट २२ अंकका साथ तालिकाको दशौं स्थानमा उक्लिएको छ भने पराजित भएको सेफिल्ड युनाइटेड १७ खेलबाट ८ अंकका साथ पुछारमा रहेको छ ।

क्याटेगोरी : खेलकुद
ट्याग : #चेल्सीको सहज जित