माओवादी केन्द्रले बुझायो मेयरलाई ज्ञापन पत्र

साझापाना २०८० साउन ३२ गते २०:५३ मा प्रकाशित

प्रदिप ढकाल

३२ श्रावण, भक्तपुर

नेकपा (माओवादी केन्द्र)को चाँगुनारायण नगर कमिटिले भक्तपुरको च्याम्हासिंह–ताथली–नाला सडकमागरिएको कालोपत्र एक महिनामै बिग्रन थालेपछि चाँगुनारायण नगरपालिकाका मेयर जीवन खत्रीलाई ज्ञापन पत्र बुझाएका छन्।सरकारी उदासिनता र ठेकेदार कम्पनीको लापर्बाहीका कारण सडक निर्माण सम्पन्न भएको एक महिनामै बिग्रिन शुरु भएको बताउँदैमेयर खत्रीलाई ज्ञापन–पत्र बुझाएका हुन् ।

च्याम्हासिंह–ताथली–नाला सडकअन्तर्गत फैढोकाको पाँगो खानीदेखि माथिल्लो छाप सडक खण्डका ठाउँ–ठाउँमा गरिएको कालोपत्रबिग्रन थालेको हो । भक्तपुरको चाँगुनारायण नगरपालिका ९ मा पर्ने यो सडकखण्ड अरनिको राजमार्गको वैकल्पिक सडकको रूपमासमेत व्याख्या गर्ने गरिन्छ । तर, निर्माणको एक महिनामै सडक बिग्रन थालेपछि चिन्ता लागेको स्थानीय नेता जगन्नाथ खत्रीले जनाएकाछन् । नगर अध्यक्ष नरेश खड्काको नेतृत्वमा चाँगुनारायण नगरपालिकाको कार्यालय पुगेको टोलीमा उपाध्यक्ष सुमन दाहाल,कोषाध्यक्षजगन्नाथ खत्री, वडा नं ९ अध्यक्ष हरेराम खड्का र वाइसिएल नेता दिपेश लामिछाने लगायत सहभागी रहेका युवा नेता तथा नगरउपाध्यक्ष बिनोद लामिछानेले जनाएका छन् ।

ध्यानाकर्षण पत्र बुझ्दै नगर प्रमुख खत्रीले आफुले सडक अनुगमन गारिसकेको र अब छिटो भन्दा छिटो निर्माण कम्पनी र नगरपालिकाकोप्राबिधिक टोली सहित छलफल गरी तत्काल यस समस्याको समाधान गर्ने प्रतिबद्धता दिएको एक सहभागीले जानकारी गराए।