भारतबाट बढेर आयो पेट्रोलियम पदार्थको मूल्य

साझा पाना २०७९ पुस १८ गते १०:२८ मा प्रकाशित

काठमाडौं । भारतबाट पेट्रोलियम पदार्थको मूल्य बढेर आएको छ । इन्डियन आयल कर्पोरेसन (आईओसी) पेट्रोलियम पदार्थको नयाँ मूल्य सूची पठाएको हो ।

नयाँ मूल्य सूची अनुसार पेट्रोलमा प्रति लिटर २ रुपैयाँ ७५ पैसा, डिजेलमा २ रुपैयाँ ९५ पैसा, हवाई इन्धनमा ४ रुपैयाँ १३ पैसा र एल सिपी ग्याँसमा प्रतिलिन्डर ७८ रुपैयाँ २२ पैसाले मूल्य वृद्वि भएको छ ।

मट्टितेलको मूल्य भने केही घटेर आएको छ । निगमका अनुसार एलपी ग्याँसमा अझै ३५९.५० प्रति सिलिन्डर घाटा रहेको छ भने १५ दिनको घाटा ४६.४४ करोड रहेको छ ।

पेट्रोल, डिजेल, हवाई इन्धन र मट्टितेलमा हुने केही नाफालाई गणना गर्दा समग्रमा आगामी १५ दिनमा निगमलाई अनुमानित ९९ करोड रुपैयाँ नाफा हुने देखिएको निगमले जारी गरेको प्रेस विज्ञप्तिमा उल्लेख छ।