सन्दीप लामिछाने विरुद्धको अभियोगपत्र आज दर्ताको तयारी

साझापाना २०७९ कात्तिक ६ गते १२:५६ मा प्रकाशित

काठमाडौं । बलात्कार आरोपपछि प्रहरी हिरासतमा रहेका क्रिकेटर सन्दीप लामिछानेविरुद्ध आइतबार (आज) अदालतमा अभियोग पत्र दर्ताको तयारी भएको छ। शुक्रबार अपरान्ह अनुसन्धान प्रतिवेदन प्रहरीले काठमाडौं जिल्ला सरकारी वकिल कार्यालयलाई बुझाएको थियो।

सरकारी वकिल कार्यालय स्रोतका अनुसार आइतबार अभियोगपत्र दर्ताको तयारी भइरहेको बतायो। आज अभियोग पत्र दर्ता भएपनि तिहार नसकिँदासम्म सन्दीप प्रहरी हिरासतमै रहने सम्भावना छ । सोमबारदेखि अदालत विदा हुने भएकाले बयान र थुनछेक बहसको काम प्रभावित हुने भएको हो।

सन्दीप असोज २० गते त्रिभुवन अन्तर्राष्ट्रिय विमानस्थलबाट पक्राउ परेका हुन्। उनीमाथि १७ वर्षीय किशोरीले बलात्कारको आरोप लगाएकी छिन्।

क्याटेगोरी : समाचार
ट्याग : #breaking, #सन्दीप लामिछाने, #सन्दीप लामिछाने विरुद्धको अभियोगपत्र आज दर्ताको तयारी