काठमाडौँ । प्रमुख प्रतिपक्षी दल एमाले अध्यक्ष केपी ओलीले सभामुख अग्निप्रसाद सापकोटा गठबन्धन सरकारको खेलौना जस्तै भएको भन्दै कटाक्ष गरेका छन् । निलम्बित प्रधानन्यायाधीश चोलेन्द्र शमशेर जबराविरुद्ध दर्ता गरेको महाअभियोग प्रस्ताव संसद बैठकमा टेबुल नगरेको भन्दै ओलीले कटाक्ष गरेका हुन् ।

काठमाडौंमा शुक्रबार आयोजित एक कार्यक्रमलाई सम्बोधन गर्दै ओलीले भने, ‘महाअभियोग प्रस्तावको छिनोफानो गर्नुपर्दैन ? महाअभियोग पास नहुने भएपछि डामेर छाड्न मिल्छ ? ६ महिनादेखि अलपत्र छ । छलफल हुन्छ प्रस्ताव अघि बढ्दैन । सभामुख गठबन्धन सरकारको खेलौना जस्तै भए ।’

कांग्रेस, माओवादी केन्द्रसहितका सांसदले ६ महिनाअघि संसद सचिवालयमा दर्ता गरेको जबराविरुद्धको महाअभियोग प्रस्तावको अहिलेसम्म छिनोफानो नगरेमा ओलीले सत्तारुढ दलप्रति आक्रोश व्यक्त गरे ।

क्याटेगोरी : राजनीति, समाचार
ट्याग : #breaking, #केपी ओली, #प्रमुख प्रतिपक्षी दल एमाले, #सभामुख गठबन्धन सरकारको खेलौना जस्तै भए : केपी ओली

---

---

---