गोरखा। पालिकाबासी किसानहरुको हितलाई ध्यानमा राखी गोरखा नगरपालिकाले धानको विउ वितरण गर्ने भएको छ । नगरपालिकाले २०७८÷०७९ को वार्षिक स्वीकृत कार्यक्रम अनुसार किसानहरुलाई धानको विउ वितरण गर्न लागेको हो ।

अहिले धानको बिउ राख्ने सिजन सुरु हुन लागेको छ । धान खेती गर्ने कृषकहरुलाई सावित्री धान र राम धानको उन्नत बीउ ५० प्रतिशत मूल्य अनुदानमा वितरण गर्ने कार्यक्रम रहेको नगरपालिकाका प्रमुख प्रशासकीय अधिकृत दिनेशराज राज पन्तले बताए । धान खेती सुधार ल्याउन र उत्पादन बढाउन नगरपालिका भित्रका धान खेती गर्दै आएका कृषकहरुलाई विउ वितरण गर्न लागेको हो ।

आवश्यक कागजात पेश गरेर प्रक्रिया पूरा गरेपछि सम्बन्धित वडाबाट धानको विउ वितरण हुने उनले बताए । यसका लागि धान खेर्ती गर्ने जग्गाको जग्गाधनी प्रमाणपूर्जाको प्रतिलिपी सम्बन्धित वडालाई बुझाउन उनले आग्रह गरे । यसका लागि नगरपालिका बुधबार नगरपालिको सूचना प्रकाशित गरेको थियो ।

क्याटेगोरी : स्थानीय
ट्याग : #गोरखा नगरपालिका

---

---

---