पेटीकोट लगाएर माइतीघरमा महिलाहरुको प्रदर्शन

साझापाना २०७५ भदौ २ गते १०:३६ मा प्रकाशित

बलात्कारीलाई कडा सजायँ हुनुपर्ने माग गर्दै शनिबार काठमाडौंको माइतीघरमा महिलाहरुले अर्धनग्न लगाएर प्रदर्शन गरेका छन् । प्रदर्शनकारीमाथि प्रहरीले हस्तक्षेप गरेर केहीलाई पक्राउ गरेको छ ।

प्रदर्शनका क्रममा प्रहरीले अधिकारकर्मी दिया भण्डारी, सावित्री भणडरी लगायत ६ जनालाई नियन्त्रणमा लिएको छ ।

उनीहरुलाई अनामनगर प्रहरी वृतमा राखिएको छ । बलात्कार विरुद्ध महिला र पुरुष दुवैले कालो पेटिकोट लगाएर प्रदर्शनमा उत्रिएका छन् । प्रदर्शनकारीलाई पक्राउ गर्नेमा महिला प्रहरी निकै कम थिए । प्रदर्शनमा रहेका महिलालाई पुरुष प्रहरीले नै धरपकड गरेका थिए ।

देशमा बढिरहेको हत्या हिंसा र बलत्कारका घटनाहरुको विरोध गर्दै प्रदर्शनकारीहरुले प्ले कार्डसहित शान्तिपूर्ण प्रदर्शन गरेका थिए ।

क्याटेगोरी : ब्रेकिंग न्युज
ट्याग : #महिलाहरुको प्रदर्शन