काठमाडौं । राष्ट्रिय स्वतन्त्र पार्टीका सांसद शिशिर खनालले भ्रष्टाचारको सबै काण्ड छानबिन गर्नुपर्ने बताएका छन् ।

त्यही प्रसंगलाई लक्षित गर्दै कुन काण्ड छानबिन गर्ने भनेर ठूला पार्टी र ठूला नेताको सहमति भन्दा पनि सबै काण्डको छानबिन गर्ने गरी उच्चस्तरीय आयोग बनाउनुपर्ने प्रस्ताव गरे ।

उनले भनेका छन्, ‘२०६३ सालपछि बाहिर आएका १ अर्बभन्दा ठूला भ्रष्टाचारसँग जोडिएका ३१ वटा काण्डमार्फत २२३ अर्बभन्दा बढी भ्रष्टाचार भएको हुन सक्छ भनेर यो सूचीले भन्छ । तर, यो सूचीमा ७० करोड लगायतका काण्ड छैनन् । र, पछिल्लो समय चर्चामा आएका अन्य काण्डहरू पनि छैनन् । त्यसैले कुन काण्ड छानबिन गर्ने भनेर ठूला पार्टी र ठूला नेताको सहमति हैन, यी सबै काण्डको छानबिन गर्ने गरी उच्चस्तरीय आयोग बनाऔँ ।’

खनालले फेसबुकमा लेखेका छन्, ‘आफ्नो मान्छे नराखौं, सक्षम राखौं । समयसीमा तोकेर स्वतन्त्रतापूर्वक काम गर्न दिऔं । दोषीलाई कारवाही गरौं । हाम्रो पूर्ण समर्थन रहनेछ ।’

थप समाचार

राप्रपाको महाधिवेशन मंसिरमा, यी हुन् कार्यसमितिको निर्णयहरू

नेपालको बजेटबारे बोले विश्व बैंकका प्रतिनिधि, दिए महत्वपूर्ण सुझाव

तारकेश्वरमा नेशनल मोडल विद्यालयका प्रिन्सिपल डीएन अधिकारी मृत अवस्थामा फेला

सामुदायिक सेवा केन्द्र गोंगबुँद्वारा सहयोगदातालाई सम्मान