सहकार्य गर्न चाहानेहरुलाई ढोका खुला छ: एमाले नेता अधिकारी

साझापाना २०७९ साउन २६ गते १३:२२ मा प्रकाशित

काठमाडौं । नेकपा (एमाले) का नेता खगराज अधिकारीले सहकार्य गर्न चाहनेहरुलाई ढोका खुला रहेको बताएका छन् । रिपोर्टस क्लबले काठमाडौंमा आयोजना गरेको साक्षात्कारमा बोल्दै उनले एमाले एकल प्रतिष्पर्धामा जान चाहेको बताउँदै मिलेर जाने कुरामा पनि तयार रहेको बताएका हुन् ।

नेता अधिकारीले राष्ट्रियता, सार्वभौमिकता तथा स्वाधिनतालाई सबल बनाउने, विकासलाई तीव्र गति दिने, रोजगारी सिर्जना गर्ने लगाएतका विषयमा सहमत हुने सँग मात्रै सहकार्य हुने जिकिर गरे ।

राष्ट्रिय सार्वभोमिकता, स्वाधिनतालाई सबल बनाउने, विकासलाई तीव्र गति दिने, रोजगारी सिर्जना गर्ने लगाएतमा सहमत हुनेहरुलाई हाम्रा ढोका खुल्ला छन् । मूलतः हाम्रो खुट्टामा उभिएर एकल प्रतिष्पर्धामै जान चाहान्छौं । तर, सबैसँग मिलेर जाने कुरामा हामि खुल्ला नै छौं ।)
उनले नीति, सिद्धान्त र गन्तव्यहिन गठबन्धनसँग निर्वाचनमा जानुपरेको टिप्पणी गरेका छन् । उनले परराष्ट्र नीतिमा गम्भीर चुनौतीहरु खडा भएको बताउँदै नेपाललाई अन्तर्राष्ट्रियस्तरमा विश्वसनीय बनाउने लक्ष्य रहेको धारणा राखे ।

क्याटेगोरी : राजनीति, समाचार
ट्याग : #breaking, #खगराज अधिकारी, #सहकार्य गर्न चाहानेहरुलाई ढोका खुला छ: एमाले नेता अधिकारी