काठमाडौं । राष्ट्रियसभा सदस्य खिमलाल देवकोटाले सरकारले प्रतिनिधिसभा र प्रदेशसभाको निर्वाचन घोषणा गरेसंगै प्रतिनिधि सभाको बैठक राखेर राज्यको दोहन गरिएको बताएका छन् ।
सोमबार राष्ट्रिय सभाको बैठकमा विशेष समयमा बोल्दै उनले कार्यकाल समाप्त भएका सांसदहरुको नाममा बैठक राखेर राज्यको दोहन नगर्न आग्रह गरेका हुन् ।

‘संविधानले सभामुख र उपसभामुखको पद अर्को निर्वाचनको उम्मेदवारी दाखिला गर्ने अघिल्लो दिनसम्म मात्र कायम रहने भनेपछि सभामुख र उपसभामुख बाहेकका सांसदहरुको कार्यकाल समाप्त भयो भनेर बुझ्न पनि जरुरी छ । कार्यकाल समाप्त भएका सांसदहरुको नाममा बैठक राख्न पाइदैन । पसल खोल्न पाइदैन । राज्यको दोहन गर्ने काम बन्द होस् ।’
संविधानले सभामुख र उपसभामुखको पद अर्को निर्वाचनको उम्मेदवारी दर्ता गर्ने अघिल्लो दिनसम्ममात्र कायम रहने उल्लेख गरेको भन्दै उनले संविधान अनुसार सभामुख र उपसभामुख बाहेकका सांसदहरुको कार्यकाल समाप्त भएको बुझ्नुपर्ने बताएका छन् ।
निर्वाचनको मिति घोषणा गरेपछि सरकार, प्रतिनिधिसभा र प्रदेशसभा काम चलाउ भएकाले दीर्घकालीन महत्व राख्ने र प्रभाव पार्ने कुनै निर्णय नगर्न र नीति तथा कानून नबनाउन सरोकारवालाहरुलाई आग्रह गरेका छन् ।

क्याटेगोरी : राजनीति, समाचार
ट्याग : #breaking, #खिमलाल देवकोटा, #राज्यको दोहन गर्ने काम बन्द होस् : खिमलाल देवकोटा

---

---

---