काठमाडौँ । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले आफ्नो भारत भ्रमण राजनीतिक तथा सद्भावना भ्रमणका रुपमा रहेको बताउनुभएको छ ।

आज भारत जानुअघि त्रिभुवन अन्तर्राष्ट्रिय विमानस्थलमा सञ्चारकर्मीसँग कुरा गर्नुहुँदै अध्यक्ष प्रचण्डले आफ्नो भ्रमण नेपाल र गठबन्धनका लागि अर्थपूर्ण रहेको बताउनुभयो ।

अध्यक्ष प्रचण्डले भारत भ्रमणका विषयमा आज बिहान मात्र प्रधानमन्त्री शेरबहादुर देउवासँग र यसअघि नै परराष्ट्र मन्त्री नारायण खड्कासँग छलफल भएको समेत जानकारी दिनुभयो ।

उहाँले छिमेकी देशहरूसँग सन्तुलित परराष्ट्र नीतिमा आफूहरू स्पष्ट रहेको भन्नुहुँदै भारतबाट फर्केपछि चीन भ्रमणमा जाने बताउनुभयो ।

अध्यक्ष दाहाल तीन दिने भारत भ्रमणका लागि आज त्यसतर्फ प्रस्थान गर्नुभएको हो

क्याटेगोरी : राजनीति, समाचार
ट्याग : #नेकपा ( माओवादी केन्द्र, #पुष्पकमल दाहाल, #पुष्पकमल दाहाल प्रचण्ड

---

---

---